post skript-um / Не што Ти за државата туку што државата за Тебе

Џон Кенеди беше демократ и, горе, долу, добар претседател на САД.

Но неговото “не е важно што Ти ќе направиш за себе туку важното е што Ти ќе направиш за државата”, е само негова себична суверенистичка флоскула од позиција на власт која, кога се на власт, обилно ја употребуваат, поточно, ја злоупотребуваат, сите власти.

Но власта постои за да ја средува државата, да го унапредува општеството, таа дежавата, власта, да работи за “стадото”, а не “стадото” да е смо нејзина поддршката, тоа да “црнчи” за да се одржува не државата како заедница туку власта да се одржува на власт.

И сега кога и оваа нашава актуелна се повикува на Кенедиета флоскула и ни порачува да не ја прашуваме што таа прави за нас, и неʼ повикува ние да правиме за беа, таа практично неʼ обвинува за своите јалови политики.

Ни наметнува грижа за нејзините неуспеси, ни ја префрла нејзината неспособност, неʼ прави слепи при очи обидувајќи се да неʼ убеди дека состојбата во државата е никаква поради нашата инертност, а не поради нејзината неспособност.

Неʼ убедува дека не е до државата, дека не е до власта, туку дека е до нас.

И, со Кенедиевата досетка, ни порачува да не и’ го реметиме комодитетот и ние, “стадото” нејзино, со наметната грижа на вина, и натаму кротко да иʼ одработуваме за нејзино долговечно комотно уживање на државната позиција дефинирана како власт.

Па, власта е државата или државата сме ние – граѓаните?!!