Советничката на ЗНАМ во Советот на Општина Прилеп го напушти владејачкото мнозинство.
Тое е Мирјана Стеваноска, досегашна советничка на ЗНАМ во Советот на Општина Прилеп.
Таа ја напушта владејачката коалиција предводена од ВМРО-ДПМНЕ и од денеска ќе дејствува самостојно.
Водејќи се од најдобриот интерес за граѓаните на Општина Прилеп, од денес започнувам да дејствувам како независен советник во Советот на Општина Прилеп. Сакам да истакнам дека политика без став е молк функција без интегритет е само поволност, а довербата од граѓаните, е тоа е обврска која што никако не смее да биде изневерена. Советникот не треба да биде декор во политички театар, туку активен и принципиелен глас на граѓаните.
Сведоци сме дека наместо аргументирана дебата и суштинска расправа, Советот се’ почесто се претвора во место за формално потврдување на политички интереси, и тоа само на една политичка опција. Иницијативноста, стручноста и двонасочната комуникација се заменуваат со со политичка дисциплина и молчење. Личните и теснопартиските интереси се’ почесто се ставаат пред интересите на Прилеп и прилепчани.
Јас таков начин на функционирање, не сакам, не можам и не прифаќам, ниту пак ќе бидам соучесник во истото. Затоа одлучив да дејствувам самостојно, слободно и принципиелно, без политички притисоци, без калкулации и бе должнички обврски кон било кого, освен кон граѓаните на Општина Прилеп. Прилеп заслужува советници со став, заслужува советници со крената глава а не со спуштена глава и не партиски послушници.
Знам дека од партијата на која припаѓав ќе има барања да поднесам оставка, за на моето место да дојди друг, но на сите јасно, гласно, гледајќи ги во очи им кажувам дека такво нешто нема да се случи. Не заради тоа што мене ми е битно да го задржам местото овде, туку за да не дојде друг кој што ќе биде политички послушник, кој што ќе седи и немо ќе ги посматра седниците.
Од овој момент моето место е во опозицијата“, рече, меѓу другото во образложението за причините за напуштањето на владејачкото мнозинство досегашната советничка на ЗНАМ, Мирјана Стеваноска.