Македонија и Македонците мораат да расчистат со себе, особено со историскиот товар со кој се нагрбиле и кој ги прави шумокрадци. Доволно ни е времето на националниот и државен субјективитет. На модерноста. Зошто мораме да ги присвојуваме бугарските офицери учители и доктори, бандити, кољачи и апаши.
Бранко Тричковски
Јас не знам, а мислам дека и тој не знае,
што се тоа „отстапки” какви што Македонија, додека е тој премиер, повеќе нема да прави, но знам дека тој став е солна киселина врз последните факеси на идентитетот што под вмро останаа залепени врз влакната околу .упакот на историјата.
Тој и сите манекени на таканаречениот патриотизам никогаш нема да сфатат дека бугарските претензии се само една страна на проблемот и дека на другата страна е македонскиот идентитет како проблем односно феномен кој во себе содржи проблематични елементи со кои одбива да се соочи.
Но, можеби, некои ќе сфатат.
Да завршам: најголемата грешка, историска, капитална, е бугарското вето кое е и против бугарските кнтереси во Македонија и оклоу Македонија, но кога веќе расправата тргна елементи на македонскиот идентитет, пумпани со вморонската злонамерна, антибугарска и антиевропска хистерија, испливаа како поголем проблем од бугарските барања.
Тоа упатува на потребата од преиспитување на македонското битие во некои историски елементи кои ја прават трагикомична македонската легитимација и преиспитување на македонскиот поглед кон бугарските позиции кои ќе мораме да ги разбереме и во нивниот културолошки мод, а не само низ агресивниот антимакедонски формат.
Со вмро тие поместувања се невозможно затоа што нивната мисија е задушување на Македонија, но тоа е до нас. Што и како ќе прави Бугарија е нивна работа, но јас верувам дека овој радикален рез на македонската страна може да има позитивни реперкусии и во Софија. Македонија и Македонците мораат да расчистат со себе, особено со историскиот товар со кој се нагрбиле и кој ги прави шумокрадци. Доволно ни е времето на националниот и државен субјективитет. На модерноста. Зошто мораме да ги присвојуваме бугарските офицери учители и доктори, бандити, кољачи и апаши.
Вмро во сите деноминации.
Па уште и власт да им даваме.
Прифаќам секакви критики само не оние кои ќе речат дека дрво без корен не бива. Ние, прво, не сме без корен, но многу е глупаво и бескрајно конфликтно и самоубиствено, кога новото дрво ќе го накалемиме на туѓ корен за да можеме да се фалиме и да не ни паѓа тешко младоста.
Од Фејсбук ѕидот на авторот