Правилното третирање на тутунот почнува со избор на одобрен препарат, продолжува со точна доза и завршува со безбедна примена и исправна опрема.
СЕКЕ Прилеп ги потсетува тутунарите дека секој од овие чекори е важен за квалитетот на производот.
За заштита од плевели се препорачува Chlomazone, за заштита од штетни инсекти Sivanto Prime, а за заштита од болести Rival. Овие препарати треба да се користат според препораките и упатствата.
Тутунарите треба да ги почитуваат дозите и времето меѓу прскањето и бербата. Неодобрените и неквалитетни препарати можат да го нарушат квалитетот на тутунот и да предизвикаат проблеми при откупот.
При третман треба да се користат ракавици, маска и заштитна облека. Не треба да се јаде и пие за време на третирањето, не треба да се прска при ветер, а по третирањето треба да се изврши миење.
Препаратите треба да се чуваат во оригинална амбалажа, на суво и безбедно место, надвор од дофат на деца. Опремата за прскање треба редовно да се сервисира и правилно да се одржува.
СЕКЕ Прилеп препорачува тутунарите да се консултираат со агрономите и експертите за сите активности поврзани со производството на тутун. Правилното третирање е основа за зачувување на трудот, квалитетот и сигурноста при откупот.
Видео: Chlomazone / Sivanto Prime