Во загрепската фабрика „Ледо“ утрово во 7:40 дојде до истекување на амонијак, поради дефект на еден од вентилите, соопшти градската Канцеларија за управување во итни случаи.
Надлежните органи го известиле центарот 112 и инспекторите за заштита на животната средина. Експертите го затвориле вентилот, а санацијата е во тек.
Поради осигурување на безбедноста на терен се испратени, пожарникари, полициски службеници и итна медицинска помош.
Министерот за животна средина, Михаил Змаиловиќ изјави дека најважно е што нема повредени и додаде дека нема опасност бидејќи количината на испуштен отровен гас е ниска, а причината за инцидентот најверојатно е пад на електричниот напон.
Амонијакот е штетен во случај на вдушување, ги надразнува дишните патишта, а поголеми количини можат да предизвикаат и смрт со задушување.