редици пред грчките банки, граѓаните денеска интензивно подигаат пари – ситуација која доведе до тоа голем дел од банките да постават лимити на вадење средства од шалтерите и банкоматите. Речиси четвртина од банкоматите во државата веќе се празни, а некои од банките соопштија дека во понеделник нема да отворат
Министрите за финансии од еврозоната го одбија грчкиот предлог за продолжување на програмата за финансиската помош за Грција по истекот на рокот од 3о јуни.
Во соопштението на Еврогрупата кое дојде доцна попладнево се вели дека Грција го прекина преговорите околу новиот договорот за финансиска помош ” еднострано “. Во петокот грчкиот премиер Алексис Ципрас повика на референдум на 5 јули во однос на секој нов договор. Одлуката на Ципрас ги фати неподготвени не само министрите во еврозоната, туку и грчките граѓани кои денеска во паника создадоа редици пред банките и ги вадат своите пари поради страв од колапс на системот.
Во вторник Грција мора да и плати рата од долг од 1,6 милијарди евра на ММФ. Без нови фондови, постојат стравувања дека Грција може да го напушти еврото што би можело да доведе до колапс на економијата.
Цела измината недела се водеа тензични преговори помеѓу кредиторите и Грција. Во понеделникот сите страни изнесоа ставови кои вродија оптимизам дека преговорите ќе завршат успешно. Дури и грчката берза почна да расте бидејќи се создаде амтосфера на олеснување дека времето на неизвесност завршува. Но, оптимизмот траеше кратко, а преговорите во изминатите три дена практично колабираа и денешниот исход на нештата можеше да се навести. Кредиторите бараа од Грција да скрати на јавните трошоци, наместо само да ги зголемува даноците – предлог кој на Грците очигледно не им се допадна.