Автомобил-бомба експлодираше пред италијанскиот конзулат во центарот на Каиро во сабота наутро, при што загина најмалку еден човек и направено е значително оштетување на дел од зградата, соопштија властите, на кои се повикува Си-Ен-Ен.
Четворица други беа повредени во експлозијата, портпаролот на Министерството за здравство, изјави за државната Нил ТВ.
Ниту една група не ја презеде одговорноста веднаш.
Египет се соочува со ескалацијата на напади од страна на исламистички милитанти во последниве месеци.
Конзулатот се наоѓа во срцето на градот, на раскрсница со метеж. Амбасадата на Италија е на различна улица.
Времето на експлозијата – во раните утрински часови на викендот – помогна да се намали бројот на жртвите. Преку недела, оваа област е преполна со пешаци и сообраќај на возила.
“Има значителна штета на една страна на зградата, ѕидот се урна и имаше крв на урнатините”, изјави фотографот Дејвид Дегнер за Си-Ен-Ен од местото на настанот.
Полицијата ја истурка назад толпата од неколку стотици луѓе кои се собраа на местото на експлозијата, рече Дегнер.
Армијата на Египет се обидува да ги сопре немирите во Синај, кои на моменти се проширија во континенталните градови, вклучувајќи го и Каиро.
Исламистичките милитанти се главно насочени кон полицијата и војската, убивајќи стотици лица во последните две години.
Во февруари 2014 година, Ансар ал-Maкдис кој е со ISIS поврзан, , даде предупредување до сите странски туристи да ја напуштат земјата.