Премиерата на новиот игран филм „Стив Џобс“ во режија на Дени Бојл ќе биде премиерно прикажан на 53 филмски њујоршки фестивал во Линколн центарот во Њујорк. Во улога на технолошкиот гениј и основач на „Епл“ е Мајкл Фасбендер, а играат и Џеф Даниелс, Кејт Винслет и Сет Роџен.
По објавувањето на промотивното видео за филмот, светската критика веќе постави тренд на високи очекувања од новиот филм на режисерот кој ги направи „Плажа“, „Трејнспотинг“, „127 часа“ и други, а веќе на „невидено“ се говори дека овој филм ќе биде класи подобар од „Џобс“ од 2013 година во којшто главната улога ја имаше Ештон Качер.
Очекувата воглавно произлегуваат од сценариото чија цел не е само да формално да се бави со професионалната биографија на Џобс, туку и со неговиот приватен и емотивен живот. Технолошкиот гениј бил и тешка личност за соработка, а особено за емотивни и пријателски врски. Филмот ги третира и периодите од животот на Џобс како односот кон неговата ќерка и првородено дете Лиса којашто долги години одбивал да ја признае.