Според изјавите на јапонскиот премиер, Шинзо Абе, Јапонија ќе бара приклучок во преговорите за опсежен, мултилатерален пакт за слободна трговија со САД и другите земји од Пацификот, давајќи тежина на разговорите за трговија, што сега може да опфатат две петтини од светската економија.
Но, исто така, ова претставува истапување на земја со посебни барања и резервации, за која, некои од учесниците во преговорите се со страв дека ќе го одложи конечниот договор.
Премиерот Абе го опишува партнерството на Пацификот како „последна шанса“ Јапонија да остане економска сила во Азија и да помогне во обликувањето на економската иднина на брзо растечкиот регион.
„Јапонија мора да остане центарот на Азиско-Пацифиското столетие. Ако Јапонија продолжи да гледа само внатрешно, ќе немаме никаква надеж за развој“, изјави Абе.
Тој додава дека ова е последната шанса и доколку Јапонија не ја искористи, ќе биде изоставена.
За да го ублажи ударот за уште поотворена економија, јапонскиот премиер има обезбедено неодредена поддршка од САД за некои од јапонските земјоделски производи – како оризот, кој е заштитен со 778 проценти тарифа – и ќе биде ослободен од преговорите за слободна трговија.
Во меѓувреме, не е јасно колку премиерот на Јапонија е подготвен да се заложи за други структурни промени кои би можело да бидат побарани од економијата на Јапонија.