Белорускиот слободен театар во 20 часот во сабота, во МКЦ, ќе прикаже една нова епска легенда за 21-от век, создадена од неверојатни вистински приказни од целиот свет, преплетени со вчудовидувачко видео и хиптнотизирачка музика во живо.
Ајша е бегалец. Принудена да го напушти своето село и да ја роди ќерка си во Сахара, таа го поминува светот во потрага по засолниште. Но, за да го пронајде, мора да се соочи со ужасната суровост на човечката природа.
Од Белорусија до Централна Африка, преку Австралија, Бразил и Сирија, Црвена шума раскажува вистински животни приказни за луѓе што живеат во завојувани подрачја, во диктатури, во неправедни и нееднакви општества низ светот. Белорускиот слободен театар непоколебливо се занимава со глобалниот проблем на деструкцијата создадена од човекот, креирајќи современа народна приказна за глобаризираниот свет.
Белорускиот слободен театар е основан како директен одговор на апсолутната цензура на слободата на изразување во Белорусија. Како едни од најгласните критизери на репресивниот режим, неговите основачи морале да побегнат од државата и од 2011 година живеат во егзил, како политички бегалци, во Велика Британија.
Во изминатава декада, Белорускиот слободен театар привлекува меѓународно внимание поради неизгасливата посветеност да ги предизвикува бруталноста и неправдите на диктатуратa, обелоденувајќи ги универзалните човечки вистини и откривајќи ги табуата со непоколеблива искреност.
Денес, трупата брои 32 артисти од Велика Британија, САД, Нигерија. Станува збор за вистински меѓународна и храбра трупа уметници. Повеќето од нив претрпеле закани и биле апсени и затворани од страна на КГБ поради работењето во Белорускиот слободен театар, но независно од тоа, тие продолжиле да настапуваат на тајни локации во белоруското подземје. Белорускиот слободен театар e една од најистакнатите политички театарски трупи во светот.