Според објавените проекции на Министерството за финансии, државата денеска од домашните кредитори планира да позајми 42.520.325 евра. Се работи за две аукции на државни записи со рок на доспевање од 364, односно 182 денови, објавува Фактор.
Во меѓувреме, по основ на доспеани обврски, утре Владата на домашните кредитори треба да им врати 41 милион евра.
Според најновите податоци на Министерството, заклучно со септември годинава, внатрешната задолженост изнесува 1,62 милијади евра и на крајот од третиот квартал, споредено со состојбата на крајот од вториот квартал, има намалување за 18 милиони евра.
Надворешниот долг во истиот период изнесува 1,97 милијарди евра, со регистрирано зголемување за 13 милиони евра. Вкупниот јавен долг, со вклучен долг на јавните претпријатија, на крајот од септември е 3,94 милијарди евра.
И натаму најголеми домашни владини кредитори се банките, на кои опаѓа половина од внатрешниот долг, по што следуваат пензиските фондови и осигурителните компании.