Со филмот „Три дена во септември“ вечерва во 20 часот се отвора „Хотел Синедејс“, фестивалот на европски филм.
„Три дена во септември“ е на Даријан Пејоски и Игор Иванов, а главните улоги ги толкуваат Камка Тоциновски и Ирена Ристиќ. Првата проекција за вечерва, е веќе распродадена. Филмот може репризно да се гледа вечерва во 23:00 или во петок во 17:30 часот.
На „седумте ката“ на „Хотел Синедејс“ ќе се прикажат повеќе од сто филмови, селектирани во повеќе програми, меѓу кои гала премиери, филмови од земјите на фокус, кратки и балкански филмови.
Во продолжение на денешната програма, ќе биде прикажан и документарниот филм „Страста и звукот во Западен Берлин (1979-1989)“, во кино Форсина во 21 часот, а во 22:30 музика селектира Mark Reeder, сценарист и главен протагонист во овој филм.