„Помеѓу 10 и 12“ на Петар Хугендорн е прогласен за најдобар филм во официјалната конкуренција и е добитник на „Златната ѕвезда“, на 14 –тиот по ред филмски фестивал CINEDAYS, што од 12 до 21 ноември се одржуваше во Скопје.
За најдобар актер е прогласен Петар Курт во филмот „Херберт“, а како најдобро сценарио е оценето она на Игор Иванов – Изи и Даријан Пејовски за филмот „Три дена во септември“. Најдобар режисер е Иван Острошовски за филмот „Коза“.
Добитник на наградата „Златно сонце“ во категоријата Синебалкан е бугарскиот филм „Снег“ во режија Венцислав Василев.
За најдобра филмска критика, првонаградена е Марија Верушевска, втора Ивана Сарош – Нелковска и трет, Сашо Пшенко
На годинешниот „Синедејс“ учествуваа над 100 филма, кои беа прикажани во три кино сали – Милениум, Фросина и џебното кино на МКЦ, со продадени повеќе од 20. 000 билети.