Од 18 до 24 март тим од студенти на архитектура и истражувачи од Скопје учесувува на Поранешен Запад: четврти истражувачки конгрес (Former West: Documents, Constellations, Prospects) што се одржува во Куќата на културите на светот во Берлин. Во рамки на проектот „Место за учење” тимот од Скопје (Мила Димитровска, Александар Балдазарски, Гордан Витевски и Ивана Драгшиќ) на 22 март одржа презентација и работилница и ги претставија резултатите од истражувањето на кое работеа во последниве неколку месеци.
„Се зборуваше за двете најголеми архитеконско-урбанистички (а воедни и социјално-политички) интервенции врз Скопје: мастер-планот на Кензо Танге и Скопје 2014; и како тие директно го креираат или менуваат животот на Скопјаните. Фокусот на истражувањето беше Градски ѕид и неговите жители, како и Плоштадот Македонија и неговата трансформација.
Освен што ги слушаа предавањата, претставниците на разни исуражувачки, научни, уметнички и активистички организации/институции од другите земји (Данска, Палестина, Канада, Германија, Словачка, Ирска, Полска, Хрватска и други), учествуваа и со своите ставови и мислења на овие теми, притоа зборувајќи за своите градови и како нивната изградба ги оформила животните приказни на граѓаните. Така, научивме за Рамала, Палестина и тамошниот акутелен наплив на безумно поставување споменици, менување имиња на улици – се’ во рамки на новата идентитетска политика на населбата која станува Град“, велат за Нова истражувачите.
Истражувачкиот конгрес завршува утре, а на него учестува и кураторката и теоретичарка на културата од Скопје, Сузана Милевска, заедно со Борис Буден, Гералд Раунинг и други.