Македонскиот фоторепортер, Ѓорѓи Личовски во Берлин ја прими наградата за фотографија на годината на УНИЦЕФ.
Наградената фотографија за 2015, на која се наоѓаат две деца со солзи во очите, кои пред полициските специјалци ги бараат своите родителите, е само една од многуте фотографии на Личовски кои од почетокот на бегалската криза ги испраќа на ЕПА.
Фотографиите на Личовски за цело време на кризата се објавувани на насловните страници на познати светски весници.
Во својата богата трисетгодишна кариера, Личовски бил фоторепортер и уредник на фотографија во неколку македонски весници – „Нова Македонија“, „Вечер“, „Вест“ и „Република“, а повеќе од две децении е соработник од Македонија на Европската прес агенција од Германија.