Министрите за финансии од еврозоната постигнаа договор од 10 милијарди евра пакет-помош за Кипар со цел да се спречи колапс на банкарскиот систем а воедно и продолжување на земјата во еврозоната .
„Веруваме дека ова ќе формира истрајно и целосно финансирано решение“, вели шефот на ММФ, Кристин Лагард.
„Лаики“ (Популарната) Банка – втора најголема во земјата ќе биде затворена, додека сопствениците на депозити со повеќе од 100.000 евра ќе се соочат со големи загуби.
Официјални лица велат дека островот се соочува со длабока рецесија и затворање на многу бизниси.
Понеделник беше краен рок за постигнување на договор, кој дојде една недела после одбивањето на кипарскиот Парламент за предлогот за оданочување на мали и големи депозити.
Сепак и новиот предлог ќе биде ставен на гласање пред парламентот на Кипар.
Шефот на ММФ, Кристин Лагард вели дека новиот пакет помош е “сеопфатен и кредибилен план” кој ќе помогне да се врати довербата во банкарскиот систем.
Според кипарскиот министер за финансии, Микалис Сарис потенцијален банкрот е избегнат.
„Не дека ја добивме битката, туку навистина избегнавме катастрофален излез од еврозоната“, изјави тој.
Договорот уследи по неколку часа тензични преговори меѓу кипарскиот претседател Никос Анастасиадес и “тројката” на ЕУ, Европската централна банка и лидерите на ММФ.
Обидите на Кипар да обезбедат помош од Русија, завршија неуспешно.