Рускиот енергетски гигант Гаспром денеска соопшти дека Спогодбата за проектот Јужен тек е раскинат. Управниот одбор на компанијата го одобри раскинувањето на договорот меѓу Гаспром и претпријатието Транспорт Јужен тек Б.В.склучен на 2 октомври 2013 година.
Рускиот претседател Владимир Путин на 1. декември лани соопшти дека Русија нема да го реализира проектот Јужен тек под актуелните околности.
Директорот на Гаспром Алексеј Милер подоцна изјави дека овој прокет веже не е релевантен.
Јужен тек беше посочуван како значајна гасоводна траса што преку крак требаше да донесе гас и во Македонија. Од Владата лани соопштија дека гасфикацијата ќе продолжи преку други алтернативи.
– Независно дали ќе доаѓа од ТАП, дали преку Гаспром, има и некои други варијанти, но сепак тие не зависат од Македонија, туку од меѓународни случувања, наша задача е системот да го направиме флексибилен, изјави Владимир Пешевски, вицепремиер за економски прашања кон крајот на летото, кога беше објавен тендерот за гасификација.
Изградбата на Јужен тек се проблематизираше откако Брисел оцени дека проектот е монопол и побара пристап до цефководот и за други земји и компании. Дополнително притисокот се засили и врз земјите – членки, но и оние што претендираат да бидат дел од ЕУ, да ги променат договорите според европските правила. Јужен тек.
Јужен тек беше проектиран за испорака на 67 м,илијарди кубни метри гас годишно за Европа.