Србија и Косово ќе се обидат да постигнат договор за положбата на Србите на Косово на денешната осма рунда преговори во Брисел.
„Не одбиваме ништо однапред, не бараме да се прифати се она што би било идеално за Србија, не може никој нас да не налути да ги напуштиме преговорите, затоа што Србија секогаш била разумна“, потенцираше Николиќ вчера.
Клучно прашање на дијалогот е дали ќе биде постигната спогодба меѓу барањата на Белград, србите на Косово да добијат институционална заштита на нивните интереси и понудата на Приштина, односно планот на Ахтисари, што за српската страна е неприфатлив
„Ако донесам одлука која не е во интерес на нашите граѓани и ако тие од неа не бидат задоволни, јас повеќе нема да бидам претседател на Србија. Ако ме прашате мене, Србија никогаш нема да го признае Косово, ако мене ме прашате, сите што живеат на Косово би требало да живеат подобро, помирно и побезбедно, ако мене ме прашате, Србија би требало да биде дел од ЕУ“, додаде Николиќ.
Српскиот претседател вчера потенцираше дека за Белград е неприфатливо идната војска на Косово да биде на територијата на заедницата на српските општини.
„Таа војска нема причина, нема што да бара и не е добредојдена на територијата на заедницата на српските општини. Ние не бараме таму да имаме наша војска, но поставуваме услов таму да не биде таа нова војска“, изјави претседателот на Србија.