Денес стапуваат на сила новите царински правила на ЕУ чија цел е да се олеснат трговските трансакции во Европа и да се заштитат европските потрошувачи, соопшти Европската комисија (ЕК).
“Овие правила имаат за цел подобро да ги заштитат потрошувачите против нелегални и фалсификувани стоки”, вели ЕК.
Царинските правила датираат од 1992 година и ова досега единствената нивна реформа. Новите правила отвораат пат за нови информатички системи кои ќе дозволат тесна координација помеѓу администрациите на земјите членки на ЕУ, изјави комесарот за економија Пјер Московици и додаде дека системот ќе може полесно да даде информации за квалитетот на стоките.
ЕК вели дека царинските служби ќе имаат отсега можност да играат заштитна улога: “Тие ќе учествуваат активно во борбата против тероризмот со верификации кои ќе овозможат откривање на шверцот на оружје, нелегалната трговија со уметнички дела и добра и ќе ги штитат потрошувачите од стоки кои се ризични за безбедноста и здравјето”.
Царинската унија е еден столбовите на ЕУ и витален елемент да доброто функционирање на внатрешниот европски пазар. Кога царинските формалност бидат исполнети во една земја, стоката може да циркулира слободно на целата територија на ЕУ тргнувајќи од принципот дека сите земји членки ги применуваат истите правила за заштита на надворешните граници на ЕУ.




