Над 7 000 учесници од 46 држави учествуваат на годинешниот Скопски маратон, а меѓу нив и дел од антивладините демонстранти на Шарената револуција. Тие учествуваа на маратонот со препознатливите принтови за Шарената револуција.
На почетокот на Скопскиот маратон кој се одржува од утрово низ градските улици, се појави транспарент „Трчај како да ја носиш веста дека Грујо е во затвор“, од граѓанското движење „Протестирам“.
Дел од учесниците на маратонот на соите дресови ја имаа залепено пораката „протестирам“.
Ова е дванаесеттото издание на маратонот е под покровителство на Град Скопје и Мисијата на Европската унија. Наградниот фонд на маратонот изнесува 17.100 евра.
Градоначалникот на Скопје одвои околу 1 милион денари за маратонот за кој вели, има културна, економска и туристичка димензија и додаде оти се промовира главниот град и нашата држава.
Се трчаат четири трки: маратон, полумаратон, штафетен маратон и трка на 5.000 метри. И годинава ќе има конкурси за избор на најдобар транспарент и за најдобра фотографија.