Игор Анѓелков својот роман „Фото синтеза“ го промовира денеска, во напладне во книжарницата “ИЛИ-ИЛИ
Се работи за третата книга на Анѓелков, по дебитантската збирка раскази “Кротки приказни” (2006) и романот “Крај-пат” (2010)
Ова е вкупно 74-ти наслов, односно петнаесетта книга од домашен автор во популарната едиција “ПРОаЗА” на издавачката куќа “ИЛИ-ИЛИ”, со што продолжува поддршката на новата генерација македонски автори кои во оваа скопска издавачка куќа ги издаваат своите провокативни дела.
„Со својата нова книга, Игор Анѓелков несомнено го утврдува своето име на млад автор чиј првенствен интерес е современоста, како и луѓето кои истата ја живеат, со сите свои животни премрежја”.
Писателката Оливера Ќорвезироска, пак, во рецензијата за романот истакнува:
“Ако го сакавте она меко, кротко, непретенциозно раскажување со речиси филмска монтажа на одлично испланираните раскажувачки секвенци, ако ја сакавте онаа благост со која авторот сигурно ве „управува“, ревносно хранејќи ви ја илузијата дека „воланот“ е во ваши раце, ако ви се допаѓаше книжевната тура низ секојдневието со задолжителната посета на несекојдневното,.. ако ги помните „Кротки приказни“ и „Крај-пат“ – тогаш „Фото синтеза“ е одлично „место“ за утврдување на совладаната книжевна материја: различно од претходните објави на Анѓелков, толку колку што треба за да знаете дека е нешто сосем ново, но и исто, толку колку што треба за да знаете дека сепак е негово и само негово. „Раката“ ќе му ја препознаете веднаш, но не дозволувајте си да го претпоставите и „ракавот“ пред убаво да видите/да прочитате!“, пишува за оваа книга писателот Благоја Иванов.