По одличниот концерт пред повеќе од една година, групата од Сиетл „Култур шок“ повторно доаѓа во Скопје. Тие го промовираат новото ЕП издание насловено „Tales of Grandpa Guru, Vol 1“.
Како еден од најдобрите бендови во живо кои настапувале на три континенти во изминативе 12 години, „Култур Шок“ одлучија дека општествените и политички коментари, спакувани во брз и фуриозен етно-панк-метал е нивната мисија
Вообичаено, бендот ги изложува овие три главни компоненти кои го одбележуваат нивниот звук и тоа беспрекорно интегрирани – не можете да се одреди каде завршува влијанието на балканскиот фолк, каде детонирачката метал ритам. Иако често ги споредуваат со нивните колеги од поранешните турнеи „Гогол Бордело“ и поддржувачите „Систем оф а Даун“, Култур Шок низ годините создадоа комплетно нов жанр, со непогршлив тон и став.
„Култур Шок“ се оформени во Сиетл, 1996 година, од страна на Срѓан Јевѓевиќ, некогашната сараевска ѕвезда од познатите Џино Банана. Експериментирајќи со рок, панк, метал, мелодии и ритмови инспирирани од Балканот, бендот еволуира во моќен секстет кој не припаѓа во ниту еден жанровски калап и има неспоредливо иновативен звук
Како што објаснува Џино Јевѓевиќ: „Култур Шок“ не пее за скршени срца и цвеќиња, туку за секојдневната егзистенција и вербата дека може да биде подобро. Или полошо. Панкот ја опишува волјата да се бориме за она во што веруваме, Балканските мелодии се гласот на народот“
По промоцијата во Сиетл, бендот со над 600 концерти досега, продолжува на новата турнеја во која е вклучен и концертот во Скопје, во организација на „Password Production“.
Нивниот настап ќе се одржи во клубот „Хавана“, на 28 април .