Шест месеци во парламентарните избори во Шпанија, кралот Фелипе VI повторно распиша избори за да и помогне на земјата да излезе од политичкиот ќорсокак. Над 30 милиони гласачи се повикани да изберат нов Парламент на тринесеттите избори по воведувањето на демократијата во Шпанија.
На изборите од декември 2015 година гласачите избраа фрагментиран Парламент помеѓу четирите големи политички партии: конзервативната Народната партија на Маријано Рахој, социјалистите на Педро Санчез, левата Подемос на Пабло Иглезиас и либералите од Кудаданос на Алберт Ривера. Во текот на шест месеци партиите не успеаа да формираат Влада.
На самиот на ден на изборите неизвесноста е тотална и се стравува дека и овие нови избори нема да донесат појасна слика. Шпанија се наоѓа во институционална блокада.
Можно е денес да победи актуелниот премиер Рахој. Но со оглед на неговата изолираност и неспособноста да креира нова Влада, оваа победа би била стерилна. Името на Рахој се појавува во повеќе корупциски случаи
Клучот на решението најверојатно го држи социјалистот Санчез доколку се согласи на голема коалиција со десницата. Но проблем е што неговата партија тоа не го сака. Особено не денес кога зад Народната партија стојат корупциски афери и незадоволството на Шпанците од економската криза.
Можна би била и коалиција со левата Подемос, која освои 20.6 отсто гласови во декември, но социјалистите сметаат дека ова ново политичко движење во Шпанија има за цел да им го земе местото и да ги маргинализира. Подемос одби да влезе во коалиција со социјалистите и гласаше со десницата за да го спречи доаѓањето на власт на Санчез.
Популарноста на Подемос е во постојан пораст. За два години постоење Подемос стана третата политичка сила во Шпанија.
Конечно можно е ова ново гласање да не успее да ја реши политичката неизвесност и во Шпанија веќе се шепоти дека се можни и трети избори во декември.




