Има или не огромна смрттност на новороденчиња на Клиниката за гинекологија? Дека повеќе од 80 новороденчиња починале на скопската клиника за гинекологија за шест месеци, а само последните две недели починале околу 20 бебиња, објави неделникот Фокус.
Оттаму велат дека располагаат со документи, имиња и презимиња на дел од пациентките на клиниката чии бебиња починале во последните неколку месеци. Последниот случај на починато бебе бил пред два дена кога мртвиот плод на мајката бил изваден со царски рез.
Бебето било женско, тешко 3830 грама и долго 52 сантиметри. Друго новороденче починало на 13 јуни, 2016 година. Се работи за 25-годишна пациентка која со царски рез родила машко бебе тешко 2800 грама, долго 50 сантиметри, а само после три дена новороденчето починало, пишува Фокус.
Од Клиниката за гинекологија велат дека лекарите работат професионално и дека таму се примаат најкомплицираните случаи и ризични бремености.
„Ништо не кријам, јас сум врвен професионалец. Тоа е ваше мислење, во животот никогаш ништо не сум криел и не дозволувам со мене така да се разговара“, изјави доктор Драган Тантуровски од Клиниката з агинекологија и акушерство во Скопје.
До крајот на годината од Клиниката најавија дека ќе излезат со официјални бројки за смртноста на донечињата.