Германија, Франција и Италија во понеделникот најавија дека сакаат да и дадат нов елан на Европската унија (ЕУ) откако Велика Британија одлучи да го напушти европското друштво. Тие исто така исклучија било какви преговори со Лондон се додека островската земја не го поднесе формалното барање за излез од ЕУ.
Истовремено, како последица на референдумот, агенцијата Сандерс&Пурс одлучи да го намали рејтингот на Велика Британија од ААА на АА со негативна перспектива.
“Ние ќе им презентираме на нашите колеги предлог за нов елан на европскиот проект во различни области во текот на наредните месеци”, изјавија Ангела Меркел, Франсоа Оланд и Матео Ренци по нивната средба во Берлин.
На 29 и 28 јуни лидерите на само 27 членки на ЕУ одржуваат самит на кој главна тема ќе бидат последиците од брегзитот. Британскиот лидер е поканет само на вечерата на 28 јуни.
Канцеларката подвлече дека областите на кои ќе се работи се одбраната, економскиот пораст, вработувањето и компетитивноста”.
Трите приоритети на Берлин, Париз и Лондон се внатрешната и надворешна безбедност, борбата против тероризмот, развојот на европската одбрана, контрола на надворешните граници на Европа, силна економија и силна социјална кохезија како и амбициозни програми за младите.
Меркел подвлече исто така дека се согласила со своите колеги дека не треба да има никакви преговори со Лондон се додека не биде активиран членот 50 од Европската повелба со што Велика Британија ќе стави на знаење дека тргнува процесот на нејзино излегување од ЕУ.
Но, британскиот премиер Дејвид Камерон одлучи таа задача да му ја остави на својот наследник кој треба да влезе на функција во откомври.
Денес агенцијата Сандерс&Пурс одлучи да го намали рејтингот на Велика Британија од ААА на АА поради изборот на британските гласачи за излез од ЕУ. Оваа нова оценка е со негативна перспектива поради “неизвесноста” што ја донесе брегзитот и таа анципира “понепредвидлив политички контекст, помалку стабилен и помалку ефикасен”.