Хип-хоп екипата на „Зад Аголот“ на вечерашниот концерт ќе го презентира сето она што го најавуваше изминатиов период, спакувано во настап со специјално сценарио.
Ова е прв самостоен концерт на кој комплетната екипа на „Зад Аголот“, 12. момци ќе се претстават пред својата публика во МКЦ. Зад Аголот го живее вистинскиот хип-хоп, кој како што сами велат има единствен тврд и сив звук, а токму тој звук со сите сили и емоции.
Еден ден пред концертот излезе и новиот спот за песната „Нема лимит“ со која се заокружува проектот „Чувај го вистинко волу.1“. Видеото за овој сингл го изработи Бранко Блажевски (Покрај Бренсис Видео Обработка). Од „Зад Аголот“ на овој спот се појавуваат Даре ДТ, Бранко СВП, Аце КН и Паки, а спотот е сниман во подземни гаражи во Аеродром.
Како поддршка на Зад Аголот ќе настапи легендарниот Владимир Аговски – Аго, еден од зачетниците на рапот и хип-хоп културата во Македонија. Познат преку култните „The Most Wanted“ и „Темната Страна“, тој преку 20 години работи на развивање на хип хоп културата во Македонија.
Момците од „Зад Аголот“ најавија уште еден гостин за концертот на вечерва, Игимен, младиот македонски блузер Игор Станоевски кој меѓу другото има свирено и со славниот Грег Рајт познат како поранешен гитарист на Мајкл Џексон. Игимен се најде меѓу топ-10 артисти на „Плеј крос роудс“, еден од најголемите натпревари за рок и блуз-гитаристи, поради што тој има шанса да свири и со Ерик Kлептон во „Медисон сквер гарден“.