Новинари и читатели цела ноќ стојат во редица пред книжарниците во Токио, за да дојдат до новиот роман на Харуки Мураками под наслов „“The colorless Tsukuru Tazaki and his years of pilgrimage“. Овој роман за самотијата и губитоците во сенка на цунамито и заканата од нуклеарна катастрофа, полн со силни пораки, вчера беше промовиран во Јапонија и е проследен со досега невиден интерес од публиката и медиумите.
Првичниот тираж на романот е половина милион примероци. Јапонските издавачи веќе најавиле нов тираж, со оглед на фактот дека дека најголемиот дел од првото издание е однапред распродадено.
Во Србија, издавачката куќа „Геопоетика“ веќе ги откупила правата за превод на романот во српскиот јазик, но не се објавува датмот на излегување.
„The colorless Tsukuru Tazaki and his years of pilgrimage“ претставува нова насока во прозата на Мураками, а тоа е враќањето на поетскиот реализам кој го напушти по „Норвешка шума” во 1987 година, овој пат во контекст на социјалната реалност на современа Јапонија.
Напишан во трето лице, романот се занимава со емоционална предавство и неговите последици. Цукуру Тазаки му припаѓа на кругот од петмина пријатели во средно училиште – три момчиња и две девојчиња. Тие се убедени дека засекогаш ќе останат заедно, но кога Цукуру се враќа од колеџот, групата го отфрла без никакво објаснување.
Неколку години подоцна, тој сфаќа дека тоа предавство фрла сенка врз сиот него живот и се обидува да ја реши мистеријата што го прогонува години. Како што се одмотува суровата вистина за еден член на друштвото, Цукуру е принуден да се справи со потиснатите проблеми во име на на идеалот на пријателството.
Овој роман е последно дело на Мураками, по последниот дел од трилогијата “1Q84″, објавен во 2010 година.
Познатиот писател, автор на сега легендарните романи „Норвешка шума“, „Слушни ја песната на ветрот”, „Флипер“, „Играј, играј, играј“, „Јужно од границата, западно од сонцето“, „Кога паѓа ноќта“ и други, веќе неколку години се смета за најсериозен кандидат за Нобеловата награда за литература.