Published: Wednesday, July 13, 2016 16:18
Претседателот на ВМРО-ДПМНЕ Никола Груевски по барање на новинарите да ги коментира предлозите на специјалната јавна обвинителка Катица Јанева за законски измени меѓу кои за формирање специјално одделение во МВР и во судството, како и продолжување на рокот на СЈО, потенцира дека тоа е надвор од Пржинскиот договор.
– За нас тоа не е прифатливо, дециден е лидерот на ВМРО-ДПМНЕ Никола Груевски кој денеска беше во посета на општините Долнени и Ропотово.
Како што објави НОВА пред два од извори блиски до преговорите, американскиот помошник државен секретар за европски и евроазиски прашања, Викторија Нуланд и партиите ги разгледале различни опции за функционалноста на СЈО, група на судии кои би биле вклучени во вид на специјално одделение во МВР, за истрага на случаите како и специјално судско одделение.
Тоа би биле посебни одделенија кои би функционирале како дополнителна, односно клучна поддршка за процесуирање на случаите на СЈО. Разговарано е и за продолжување на мандатот на СЈО за што опозицијата не се спротивставува.
Вчера и министерот за внатрешни работи Митко Чавков изјави дека смета оти нема потреба од формирање на специјално полициско одделение кое ќе работи за обвинителството на Катица Јанева