Европската комисија го поздрави напредокот на вчерашните преговори во Пржино и ги охрабрува партиите итно да најдат конечен договор.
“Ние го поздравуваме напредокот кој беше направен вчера во дискусиите и ги охрабруваме итно да постигнат договор за преостанатото прашање кој може да биде најден со непоходна добра волја од сите страни”, порача Комисијата преку соопштение.
Договор вчера не е постигнат само поради едно прашање, но ни Комисијата не открива за кое прашање се работи. Вчера новинарите инсистираа да им биде кажано кое прашање останува проблематично, но одговор не добија.
Неофицијално партиите не можат да се договорат околу ингеренциите на министерот за внатрешни работи. Исто така неофицијално власта се согласила да го повлече законот со кој му беа одземени ингеренциите на министерот за внатрешни работи во претходната влада кога министер беше Оливер Спасовски од СДСМ. Но владеачката партија бара договор за фиксен број на кадровски смени кој што ќе може да ги направи министерот на МВР во преодната влада. Со ова опозицијата не се согласува.
Вчера било договорено преодната влада да има мандат од 100 дена и би била функционална од август, доколку изборите бидат до крајот на годината.
Се уште нема најава дали и кога би продолжиле преговорите помеѓу партиите.