„Горчлива критика на западната цивилизација и нејзината илузија на слобода“, пушува меѓу другото њујоршки „Time out“ за претставата „Мајмунот на Кафка“, во режија на Walter Meierjohann, а на која автор на музиката, дизајнот на звукот и на звучната продукција, е македонскиот композитор Никола Коџабашија. Оваа продукција гостува во познатиот Центар за уметност Баришњиков во Њујорк.
За претставата пишува и „Њујорк тајмс“, особено за главната улога на Кетрин Хантер, опишувајќи ја како актерка со „извонредна во способноста на трансформација“.
За оваа продукција на лондонскиот театар „Young Vic“ пишува и весникот „Њујорк пост“ и други угледни американски изданија.
Со Кетрин Хантер, Коџабашија соработувал како композитор-изведувач неколку пати во изминатите години. Со „Птици“ на Аристофан во Националниот Тетар во Лондон 2001 година и со „Мајмунот на Кафка“ во продукција на „Young Vic“ од Лондон, која, по Франција, Австралија, Грција, Турција, Jапонија и Таи пеи, од 2. до 17. април премиерно гостува во светски познатиот „Баришњиков уметнички центар“ во Њујорк.