Канцеларијата на Хелсиншкиот комитет за човекови права на Република Македонија ќе биде отворена во недела за време на изборите, со цел да им овозможи на граѓаните да пријават повреда на избирачкото право во прегласувањето.
Набљудувањето на изборите на терен, Комитетот ќе го оствари преку соработка со невладината организација „Цивил“ која е овластена да врши мониторинг на престојните избори.
Во тој поглед, апелираат сите граѓани кои сметаат дека нивното избирачко право е повредено да го пријават случајот во канцеларијата на Комитетот, или случаите на повреда на избирачкото право да го пријават до означените набљудувачи на невладината организација „Цивил“.
Отворени за евентуалните проблеми се и телефонскиот број: (0)2 3119 073 или преку интернет на helkom@mhc.org.mk и civil.mk@gmail.com.
Имајќи ја предвид важноста на уставно загарантираните граѓански и политички права, Хелсиншкиот комитет и невладината организација „Цивил“ исто така упатуваат апел локалните избори да поминат во фер и демократска атмосфера со особено внимание на неповредливоста и тајноста на избирачкото право на сите граѓани.