Емел, ќерката на Велија Рамковски излезе од затвор, откако ја одлежа шестгодишната затворската казна за случајот „Пајажина“. Во затвор беше од 24.декември 2010 година, иако не живееше во земјава за периодот за кој беше осудена. Таа како и нејзиниот татко и останатите членови на семејството и вработени во фирмите, беа жртви на политички прогон.
По апсењето на Велија Рамковски, членовите од семејството, како и вработени во фирмите, беа затворени А1 телевизија и трите дневни весници „Време“, „Шпиц“и „Коха“.
Казната ја издржа до крај и покрај тоа што не и беше дозволувано да ги посетува децата, ниту пак имаше иницијатива да биде помилувана од претседателот Ѓорге Иванов.
Иако снимените прислушувани разговори опозицијата никогаш не ги објави јавно, тие се наоѓаат во Специјалното јавно обвинителство. Сефер Цановски на својот ФБ профил напиша:
Денес е убав ден – Емел Рамковска конечно на слобода !
Ја одлежа „машки“ политичката казна до последен ден. Честитам на целата храброст и издржливоста која ја покажа. Да бидеш здрава и жива. И ГЛАВАТА ГОРЕ Твоето време допрва доаѓа …