Најновите податоци на Гугл покажуваат дека бројот на барања од страна на владите за отстранување на содржина од нивните услуги е поголема од кога било досега.
Извештајот „Транспарентност“ е започнат пред три години, а од тогаш Гугл јавно го презентираше обемот и опсегот на владини барања за цензура низ целиот свет.
Според најновите бројки во периодот меѓу јули и декември 2012 година, тие добиле 2.285 владини барања за отстранување на 24.179 парчиња од содржините, што претставува драстично зголемување од првата половина на годината, кога биле покренати 1.811 барања за отстранување на содржината од 18.070 парчиња.
Предметот на содржината за која се барало отстранување варира, но во повеќето наведени причини се наоѓа „клеветата“.
На јавниот блог на Гугл се вели:
„Во повеќето места, ние бевме прашани од страна на владите да ја отстранеме политичката содржина која луѓето ја објавуваат на нашиот сервис. Во овој конкретен временски период, добивме судски налози во неколку земји да ги отстранеме блог постовите кои ги критикуваат владините претставници или нивните соработници.“
Другите причини вклучуваат и нарушувања на приватноста или безбедноста, прекршување авторски права, говор на омраза, насилство и други содржини за возрасни.
“Топ 5” земји, кои според обемот нарачале такви барања се Бразил, САД, Германија, Индија и Турција.