Пропадна референдумот во Унгарија за квоти за мигрантите

Унгарците кои денес гласаа на референдумот, со големо мнозинство ги отфрлија задолжителните квоти за мигранти на ЕУ, соопшти Националната канцеларија за избори.
Но, анкетите покажуваат дека гласачите не успеале да постигнат 50 отсто излезеност, колку што е потребно за резултатот да биде валиден.
Унгарците на денешниот референдум се изјаснуваа: Дали сакате Европската унија да биде во можност задолжително да пресели неунгарски граѓаните во Унгарија дури без одобрение на националното собрание?.
Премиерот Виктор Орбан претходно ги повика да го отфрлат планот на ЕУ, опишувајќи го како закана за безбедноста и начинот на живот во Европа.
Вчерашниот исход тој го опиша како „огромен” резултат и рече дека ЕУ „не може да ја присили” Унгарија да ги прифати мигрантите. Тој ги повика носителите на одлуки во ЕУ да го забележат референдумот.
ЕУ планира да пресели 160.000 мигранти низ целиот блок, според што Унгарија треба да прими 1.294 баратели на азил.
Унгарија беше една од транзитните држави за бегалците и мигрантите минатата година, кои се обидуваа да стигнат до Германија, или некоја од развиените европски земји. Но, државата беше критикувана поради затворањето на нејзината граница со Србија и Хрватска, со цел да го намали приливот на бегалци и мигранти.