Од утре се очекуваат високи температури, над 30 степени, сончево и многу топло време кое ќе трае до крајот на неделата.
Од Министерството за здравство ги предупредуваат граѓаните дека целата територија ќе биде зафатена со жолтата, алертна фаза невообичаена за ова време од годината. Комисијата за климатски промени која ја следи состојбата ги предупредува граѓаните да ги почитуваат препораките за заштита.
Надлежните препорачуваат да се избегнува директна изложеност на сонце меѓу 11 и 16 часот. Преку ден да се носи лесна и светла облека, да се консумира лесна храна и многу течности, како и да се внимава на хигиена на рацете и хигиена при подготовка на храната за да не дојде до труење.
Од Управата за хидрометеролошки работи информираат дека во наредните денови особено за време на првомајските празници температурата ќе се искачи над 30 степени целзиусови.
Лекарите велат дека наглата промена на времето и високите темеператури лошо влијаат на здравјето на луѓето. Затоа на граѓаните им препорачуваат да ги почитуваат препораките на Министертво за здравство, а хроничните болни да ја земаат препорачната терапија.