Published: Wednesday, October 5, 2016 18:59
Поранешниот португалски премиер Антонио Гутереш е избран за нов генерален секретар на Обединетите нации.
Гутереш ја потврди веста преку својот Твитер профил.
Договорот е постигнат на гласање во Советот за безбедноста на ОН, каде Гутереш доби поддршка од 13 членки на Советот, додека две држави биле воздржани.
Тој не добил ниту еден негативен глас од постојаните членки со првао на вето.
Оваа одлука е и официјална потврда дека од игра испадна кандидатот на Македонија за генерален секретар на ОН, Срѓан Керим. Тој за оваа функција беше кандидиран од страна на Владата.
Финансиите за промоција и логистика за неговата кандидатура беа обезбедени од Министерството за надворешни работи, но засега нема информација за колкава сума станува збор.




