Со повеќе од 100 настани во 80 држави, денеска се слави џез музиката. Главната програма се одржува во Истанбул, кој што УНЕСКО го прогласи за град на џезот за 2013 година.
Меѓународниот ден на џезот е влезен во официјалниот календар на УНЕСКО и Обединетите нации. Програмите и настаните ќе бидат координирани со сите 195 земји-членки на УНЕСКО.
“Светскиот ден на џезот е средство за да се потенцираат и поддржат обединувачките атрибути на музиката, изјави Херби Хенкок под чие водство се одржува прославата во Истанбул.
Том Картер, претседателот на Институтот за џез „Телониус Монк“ рече дека Институтот со задоволство ќе биде партнер со УНЕСКО и Република Турција за одржувањето на овој меѓународен празник.
„Минатата година, прославата опфати повеќе од една милијарда луѓе преку различни едукативни програми, перформанси концерти и објави во медиумите. Ова е феноменален бројка што веруваме дека ќе биде надмината во 2013 година.“, рече Картер
Прославата во Истанбул започна утрово со програма за средношколци во која ќе учестуваат и Херби Хенкок, Вејн Шортер и други светски познати музичари.
На целовечерниот „Ол-стар“ концерт во Истанбул ќе настапат најголемите џез имиња на денешницата: John Beasley, George Duke, Robert Glasper, Herbie Hancock, Abdullah Ibrahim, Keiko Matsui, Eddie Palmieri; пејачите Al Jarreau, Milton Nascimento and Dianne Reeves; Hugh Masekela, Imer Demirer , Christian Scott; James Genus, Marcus Miller, Ben Williams; тапанарите Terri Lyne Carrington, Vinnie Colaiuta; гитаристите Bilal Karaman, John McLaughlin, Lee Ritenour , Joe Louis Walker; саксофонистите Dale Barlow, Igor Butman, Jimmy Heath, Wayne Shorter and Liu Yuan; кларинетистите Anat Cohen and Husnu Senlendirici; вилинистот Jean-Luc Ponty и Pedro Martinez на ударни инструменти, како и други специјални гости ќе бидат објавени во наредните недели. John Beasley ќе биде музички директор на настанот.
Во Македонија нема најави за вклучување во Светскиот ден на џезот, освен Младинскиот културен центар во Битола, кој, како дел од глобалната акција за прославата, вечерва организира концерт на „Иван Иванов квартет“
„Иван Иванов квартет“, е основан во 2008 година во Грац и во него членуваат Иван Иванов-тенор саксофон, Васил Хаџиманов-пијано, Кирил Туфекчиевски-контра бас и Алек Секуловски-тапани. Репертоарот на „Иван Иванов квартет“ е инспириран од современите светски саксофонисти Крис, Потер, Марк Тумер, Ерик Харланд и други.