Владите во светот би требало да воведат данок на засладените пијалоци за да се изборат со глобалната епидемија на дебелина и дијабетес, соопшти денеска Светската здравствена организација.
– Зголемувањето на цената на засладените пијалоци за 20 проценти би можело да доведе до намалување на конзумацијата во ист тој процент, се вели во извештајот на СЗО под наслов „Фискалните политики за исхрана и превенција на незаразните болести“, претставен на Светскиот ден за борба против дебелината.
Конзумирањето на помалку калорични засладени пијалоци е најдобар начин за ограничување на прекумерната тежина и за спречување на хроничните болести, како што се дијабетес, се наведува во соопштението на СЗО и се додава дека мастите и солите во исхраната исто така се виновници за тоа.
СЗО предупредува дека од 1980 до 2014. година, дебелината кај населението е повеќе од двојно зголемена и дека моментално околу 11 проценти од мажите и 15 проценти од жените во светот се касифицирани како дебели, што е нас 500 милиони луѓе.
– Проценките се дека околу 42 милиони деца помлади од пет години биле дебели во 2015 година, изјави директорот на одделението на СЗО за изхрана и здравје Францеско Бранка што е според него, зголемување за 11 милиони во текот на 15 години.
Британија уште летово започна со изработка на студија според која ќе биде воведен дополнителен данок за производителите на вакви пијалоци.




