Центарот за мониторинг и истражување и врз основа на 100 отсто обработени изборни места, на парламентарните избори во Црна Гора победила партијата на Мило Ѓукановиќ Демократската партија на социјалистите (ДПС) со 41,2 отсто од гласовите.
Опозициската партија Демократскиот фронт (ДФ) освоила 29 отсто а Коалиција Клуч 11 отсто.
Излезноста била од 73,2 отсто.
И владеачката партија и опозицијата тврдат дека имаат доволно пратеници за да ја формираат идната влада, но ќе имаат тешка задача да состават коалиција со помалите партии што влегоа во парламентот со 81 место. Исходот на постизборните преговори ќе одреди дали земјата ќе продолжи на прозападниот курс или ќе сврти кон традиционалниот сојузник Русија.
Ова беа десетти избори од воведувањето на повеќе партискиот систем во Црна Гора а четврти откако оваа земја се оддели од Србија.