Според ВМРО-Народна партија со цел допрецизирање на условите за одржување фер, демократски и кредибилни предвремени парламентарни избори на гласачкото ливче треба да се додаде и можноста „Не гласам за никој“.
– На гласачкото ливче покрај досега стандардно утврдените законски прописи за неговата форма и содржина, каде што стојат името и логото на политички партии и коалиции, задолжително да се додаде и можноста: „Не гласам за никој“, се вели во соопштението на ВМРО-НП.
Партиајта смета дека со оваа можност реално ќе се види колкав е бројот на граѓани кои не веруваат во ниедна политичка опција, а притоа ќе се одбегнела можноста да бидат обележани дека не гласале, а со тоа и да не бидат изложени на притисок од големите политички партии.
– Со ова големиот процент на неважечки ливчиња кој се движи помеѓу 3 – 4% од вкупниот број на излезени гласачи, значително ќе се намали. Исто така, целосно ќе се елиминира и можноста, членовите на гласачките одбори при броењето на гласови со едно пречкртување на важечкото гласачко ливче да го претворат во неважечко, со што се има директно влијание на крајниот резултат на гласањето, смета ВМРО-НП.
ВМРО-Народна партијапотенцира дека ваква практика долги години наназад успешно се применувала во многу држави во Европа и светот.