Андреоти, една од најистакнатите политички личности на пост-воена Италија , почина на возраст од 94 јави Би-Би-Си.
Андреоти беше италијански премиер седум пати меѓу 1972 и 1992 година. Тој ја водеше Демохристијанската партија , која доминираше во италијанската политика со децении. Во подоцнежните години се соочи со обвинувања за корупција и мафијашки врски.
Според весникот Ла Република, тој бил сериозно болен веќе некое време.
Андреоти влезе во италијанскиот парламент во 1946 година и остана таму повеќе од 60 години, пред да ја добие доживотната функција сенатор. Тој беше познат како про-европски политичар посветен на италијанската европска интеграција и помогна на патот кон единствената валута.
Но, тој, исто така, се соочуваше со низа обвинувања, многу oколу неговите врски со корумпирани финансиери и топ криминалци.
Тој беше обвинет за споделување на “бакнеж на честа” со “босот над босовите” на мафијата, Тото Рина, на еден таен состанок во 1987 година.
Андреоти беше изведен на суд за наводно давање наредба за убиството на новинар кој се закани дека ќе објави детали од неговите наводна мафијашка вмешаност.
Неговото осудување и 24-годишна затворска казна за убиството беше укината по поднесена жалба. Сепак, во 2004 година, Апелациониот суд ја потврди пресудата дека тој “свесно и намерно одгледувал стабилна врска” со мафијашките босови, се до 1980 година.
Но, тој не беше официјално осуден поради кривичното дело пропадна, според Статутот на Италија на ограничувања.