Легендарниот пејач, композитор и поет Леонард Коен почина на 82-годишна возраст. Веста за смртта ја објави неговиот агент, без притоа да ја наведе причината.
-Со длабоко жалење ве известуваме за смртта на поетот, композитор и уметникот Леонард Коен. Загубивме еден од најпочитуваните и плодотворни визионери во светот на музиката, се вели во соопштението.
Познат по безбројните хитови и прекрасната лирика, Коен беше еден од највлијателните уметници во музиката, кои се појавија во 60-тите години на минатиот век, заедно со нобеловецот Боб Дилан и канадскиот музичар Џони Мичел.
Сите знамиња во Монтреал денеска се на половина копје поради смртта на Коен, најави градоначалникот на градот Денис Кодер и изрази жалење што светот изгуби еден музички џин.
Роден на 21 септември 1934 година во семејство на богатите Евреи во Монтреал, Коен компонираше некои од песните кои станаа „химни“ во последните децении.
На 21 септември Коен издаде нов албум насловен „You Want it Darker”. Во него тој го поставува прашања за човечката природа и за семоќниот Бог. Албумот е проткаен и од помислата за смртта.
Коен живееше Лос Анџелес, а подоцна денеска таму ќе се одржи комеморација.