Влада на широка коалиција која би била реформска и ќе ја врати Македонија во евроинтеграциските процеси, а кога ќе се создадат услови да се распишат нови избори. Ова денеска го изјави лидерот на БЕСА, Биљал Касами по средбата со Норвешкиот амбасадор, Арне Санес Бјорнстад. Овој став му го пренел на амбасадорот како најдобро преодно решение во ново настанатата ситуацијата.
„Подобра варијанта за Македонија би била една широка коалиција, која би составила влада која би била реформаторска, влада која би ја вратила Македонија во евроинтеграциските процеси и која би ги решила некои проблеми, за да после еден временски период би се организирале нови избори, нормални избори во нормални услови од кои би произлегла нова парламентарна гарнитура“, изјави Касами.