Двократната освојувачка на Вимблдон, Петра Квитова е нападната од разбојник во нејзиниот дом во Простејов, град во источна Чешка, каде најголем број ор чешките тенисери живеат и тренираат.
Рано утринава разбојник, во обид да ја ограби, ја нападнал 26- годишната тенисерка со нож, при што ја повредил во левата рака, но повредата не е сериозна.
Според полицијата се работи за 35 годишен маж, чиј идентитет не е познат и е во бегство.
Квитова во моментов закрепнува и од стара повреда на стапалото поради која мораше да се повлече од Хопман Куп турнирот кој ќе се одржи идниот месец.
Претходно, Квитова се подготвуваше за Австралија опен, но веројатноста дека ќе биде подготвена да настапи на овој турнир во јануари се намалија по повредата која ја заработи денеска.