Киргистанецот Јахие Машрапов, чија фотографија ја објавија светските медиуми со тврдење дека тој е убиецот на 39 лица во Истанбул за време на новогодишната ноќ, денеска е приведен во Киргистан по враќањето од Турција и негира било каква вмешаност во тој терористички напад.
Како пто пренесува киргистанската агенција АКИ прес, Машпаров трвди дека во Турција престојувал службено, а влера стигнал на аеродромот „Манас“ во киргистанскиот главен град Бишкек.
Тој вели и дека во Истанбул полицијата го испитувала еден час во врска со нападот, но го пуштиле да ја напушти земјата.
АКИ прес наведува дека, откако турските корисници на Твитер поставиле слика од неговиот пасош на интернет, припадниците на киргистанскиот Комитет за национална безбедност го пронашле Машрапов штом стигнал дома во областа Кара-Суу на југот на земјата.
https://www.youtube.com/watch?v=cQO6Bgem_-I
Тој е одведен на испитување, но негирал било каква вмешаност во теротисчкиот напад во Истанбул.
Тој во интервју за агенцијата Турмуш, изјави дека во Истанбул отпатувал на 1 јануари.
„Завршил работи поврзани со фирмата која ја имав таму. Дојдов сам на аеродромот во Истанбул и штом се качив во авион, турските полицајци ме извлекоа од авионот и ме однесоа на испитување“, рече Машрапов.
„Тие ми објаснија дека ме испитуваат затоа што по малку личам на осомничениот од фотографијата. Ми се извинија и ме пуштија да се качам во авионот“, додава тој.
Вели дека не знае кој е осомничен за нападот во Истанбул, ниту знае како сликата од неговиот пасош стасале на друштвените мрежи.
АКИ прес наведува дека Машрапов на 28 декември одлетал од Киргистан за Истанбул и се вратил на 30 декември, а потоа на 31 декември бил во својата родна земја и на 1 јануари повторно заминал на патување во Истанбул, од каде денес се вратил во Бишкек.
Светските медиуми денеска објавија дека Машрапоов, роден на 2 август 1988 година во Киргистан, е напаѓачот во ноќниот клуб Реина кој уби 39 луѓе. Објавена е и слика од првата страна на неговиот киргистански пасош.