Словенија ремизира со Тунис (28:28) во четвртото коло во групата Б на Светското ракометно првенство во Франција. „Змајчеки“ одиграа меч со инфакт завршница за македонските фанови во Мец што, сепак, е оди во прилог на националниот тим. Ремито беше посакуван еден од посакуваните исходи иако најпосакуван беше нов триумф на составот на Веселин Вујовиќ што ќе значеше и дефинитивна елиминација на Тунижаните од борбата за осминафинале.
Словенците беа пред прв пораз на турнирот. Во завршницата на натпреварот влегоа со минус четири гола (24:28) на пет ипол минути до крајот. Но, со два гола на Зарабец и по еден на Цингесар и Јанц направија серија од 4:0 за нерешени 28:28 по истекот на 60 минута.
„Црвено-жолтите“ и натаму остануваат во неспоредливо подобра позиција од африканската селекција. Имаат два бода повеќе пред дуелите со Шпанија и со Исланд и за осигурување на топ 16 фаза ќе биде доволен и бод и под услов Тунис да биде убедив со Ангола во последното коло. Во случај на победа против Исланѓаните, тогаш Македонија ќе биде трета во групата Б и ја избегне Франција во осминафиналето.
Најефикасен словенечки ракометар во средбата со Тунис беше Блаж Кавтичник со седум гола, Санаи со осум беше прв стрелец на теренот.
Македонија утре игра со Шпанија (20,45 ч.).