Шефицата на Меѓународниот монетарен фонд Кристин Лагард нема да биде ставена под истражна постапка на француските правосудни органи поради обвинувањето за помош при проневера на јавни средства, јави Би-Би-Си.
Истражниот судија донесе одлука по дводневното сослушување, на поранешната француска министерка за финансии Лагард да и додели статус на „надгледуван сведок“- иако имало индиции за учество во казнено дело, тие не биле доволни за да се подигне обвинителна постапка. За текот на сослушувањето истражните органи не изнесоа детали.
Одлуката на судот во Франција има двоен статус меѓу обвинет и сведок. Со тоа не е исклучена можноста, Судот на Републиката, кој ја води истрагата подоцна да отвори формална истражна постапка против Лагард.
Лагард пред новинарите во Париз рече дека не е изненадена од ваквата разврска, но и дека
постојано делувала во интерес на државата и во согласност со законите.
„Време е повторно да заминам во Вашингтон на работа“, изјави Лагард, како прв човек на ММФ.
Што се однесува до случајот, контроверзниот Тапи, едно време лежел во затвор за местење натпревари, а во тоа време бил поддржувач на Николас Саркози, која во 93 година ја тужеше банката “Креди Лионе” дека ја продала компанијата “Адидас” на Роберт Лој Драјфус без негово знаење.
Неколку месеци по почетокот на судскиот спор се вмешала Лагард како министерка за финансии во тоа време, која иницирала посредништво.
Банката во тоа време била делумно во рацете на државата.
Лагард одобрила исплата на 285 милиони евра на Тапи од францускиот буџет, со што бил завршен спорот. Сепак, ова испрашување на Лагард се смета како голем срам за неа, пишува Би-Си-Си, додавајќи дека таа е една од најпопуларните политичари на десницата во Франција.
После скандалот на првиот човек на ММФ, Доминик Штрас-Кан, француската јавност сака да види уште еден француски политичар како е посрамотен во светски рамки, вели дописникот на Би-Би-Си од Париз, Кристијан Фрејзер.