Припадниците на десничарската организација „Англиска одбранбена лига“ (ЕДЛ), на својот синоќешен протестен марш низ улиците на Лондон, јавно го навредуваа британскиот премиер Дејвид Камерон, јавува Шпигел.
Тие го нарекуваа премиерот „кукавица“ затоа што замина на кус одмор со семејството во Шпанија, иако се случи нападот во лондонскиот кварт Вулич, во кој брутално со мачета, на улица во Лондон, беше убиен британскиот војник Ли Ригби.
Учесниците на маршот извикуваа пароли и против муслиманите во Велика Британија, барајки од нив да заминат од британските улици и од Британија. Паралелно со одржувањето на овој марш,против ЕДЛ протестираа околу стотина приврзаници на ултралевичарската група „Обединети против фашистите“.
Маршот на припадниците и приврзаниците на ЕДЛ броеше над илјада луѓе, кои поминаа покрај зградата на британскиот Парламент и седиштето на владата во Даунинг стрит 10.
Иако замислата за маршот беше за да му се одаде почит на убиениот херој војникот Ригби, се претвори во марш во протест поради убиството на војникот.