Македонија е во првите три земји во Европа по смртност на доенчиња, смртност од мозочни удари и рак и број на заболени од депресија Поради ова се потребни итни промени во здравствениот систем за заштита на нивното здравје, ова денеска го соопшти Злате Мехмедовиќ од СДСМ на прес конференција каде што се презентираа статистики од Европскиот здравствен потрошувачки индекс кој што го изработува Европската комисија.
Истражувањето за 2016 година покажува дека Македонија е на 34-то место по лоши здравствени резултати, од вкупно 35 европски земји. Македонија e прва во Европа по тоа што не може да се справи со смртност од мозочни удари. Сите земји од регионот се подобри од Македонија по овој параметар – намалување на смртноста од мозочни удари. Македонија е втора во Европа по смртност на доенчиња!Македонија е трета во Европа по најлоша стапка на преживувавње на болните од рак! Македонија е меѓу земјите со најголем процент на граѓани кои страдаат од депресија, рече Мехмедовски презентирајќи ги табелите на денешната прес конференција.
Тој истакна дека реформата „Мој термин“ и времето на чекање кое стана многу подолго со оваа новина воведена во 2014 година и донела на Македонија вакви загрижувачки резултати.
Таканаречените реформи се само фарса што не функционира во реалноста. Граѓаните знаат по колку време им треба да дојдат до вистинслиот лекар што ќе им ја постави вистинската дијагноза. Знаат дека повеќе време минуваат низ болничките ходници отколку во ординација. Знаат дека не можат да дојдат до соодветен здравствен третман затоа што или апаратите се расипани, или апарати нема, па се препраќаат од клиника на клиника, а со секој нов ден нивното здравје е се полошо, рече тој.