Понеделничката прес конференцијата во Белата куќа беше делумно посветена на невообичаена тема – бањарката на Доналд Трамп. Портпаролот на Белата куќа беше навреден од еден текст во Њујорк Тајмс во кој се зборува за навиките на новиот претседател.
Текстот е насловен “Трамп и неговата екипа размислуваат за нова стратегија по тешкиот почеток”. Во него се анализираат првите две седмици од претседателството на Трамп но тој содржи и опис на неговото секојдневие во Белата куќа.
Текстот вели дека Трамп е речиси секогаш сам бидејќи Меланија и синот Барон останаа на живеат во Њујорк. Весникот тврди дека 70годишниот претседател се повлекува во неговите одаи околу 18.30 часот.
“Кога не гледа телевизија во својата бањарка или не им телефонира на поранешните членови на неговата екипа од изборната кампања, г-дин Трамп тргнува во обиколка на деловите од својата нова куќа кои се уште не му се познати”, вели весникот.
Според Шон Спајсер оваа приказна е полна со неточности па тој од весникот побара да му се извинат на претседателот.
“Ова е дефиниција на лажна информација. Веќе на почетокот на текстот. Мислам дека претседателот нема бањарка и јасно е дека такво нешто не носи”, рече портпаролот додавајќи дека во текстот на весникот не даден точен протрет на Трамп.
Приказната, се разбира, не остана на ова и се прошири на интернет. Од прес конференција една од актуелните теми на Твитер е токму бањарка на Трамп. Твитерџиите најдоа стари слики на Трамп во бањарка.
